ქვემო ქართლში სახელმწიფო რწმუნებულ– გუბერნატორმა გრიგოლ ნემსაძემ და რუსთავის მუნიციპალიტეტის მერის მოადგილე ნოდარ შეროზიამ, ბერძნულ-რომაული სტილით ჭიდაობაში  ევროპის ჩემპიონი, 17 წლის რუსთაველი სპორტსმენი, ბექა გურული დააჯილდოეს.

ბექა გურულმა ბერძნულ-რომაული სტილით ჭიდაობაში  ჭაბუკთა შორის ევროპის ჩემპიონატში, რომელიც 2017 წლის 25-30 ივლისს, ბოსნია-ჰერცოგოვინის დედაქალაქ სარაევოში გაიმართა, ოქროს მედალი მოიპოვა.  

ადგილობრივი ხელისუფლების წარმომადგენლებმა  ახალგაზრდა სპორტსმენს  ევროპის ჩემპიონატზე მიღწეული წარმატება მიულოცეს და სამადლობელ სიგელებთან ერთად, საჩუქარი გადასცეს.

ახალგაზრდა სპორტსმენმა 2015 წელს ბერძნულ-რომაული სტილით ჭიდაობაში   სომხეთის საერთაშირისო ტურნირში ვერცხლის მედალი მოიპოვა, ამავე წელს გახდა მიხეილ სალაძის სახელობის საერთაშორისი ტურნირის გამარჯვებული, ხოლო 2017 წელს  – საქართველოს ჩემპიონატისა და თემურ ყაზარაშვილის სახელობის საერთშორისო ტურნირის ჩემპიონი.

მიმდინარე წლის 5-10 სექტემბერს, სპორტსმენი საბერძნეთში, ათენში გაემგზავრება, სადაც მსოფლიო ჩემპიონატში მიიღებს მონაწილეობას.