რუსთავში, ქალაქის ცენტრალურ პარკში, Oxygen Fest-ის ფარგლებში, 14, 15, 16, 18, 22, 26 ივნისს, ევროპის საფეხბურთო ჩემპიონატის შეხვედრების ჩვენება გაიმართება.
ფესტივალის ფარგლებში, ფეხბურთის გულშემატკივრებისთვის, სპეციალური სივრცე მოეწყო. ტერიტორიაზე მოწყობილია კვების და ლუდის სივრცეები, გაიმართება ადგილობრივი მეწარმეების ნამუშევრების გამოფენა-გაყიდვა.
14, 22 და 26 ივნისს დაგეგმილია ელექტრონული მუსიკის საღამოები.
18 ივნისს, საქართველოს ნაკრების პირველი თამაშის დღეს, ფეხბურთის გულშემატკივრებისთვის ვიქტორინა მოეწყობა. გათამაშდება საქართველოს ნაკრების წევრების მაისურები და სხვადასხვა აქსესუარი.
