რუსთავში, ზედგენიძის ქუჩის რეაბილიტაცია მიმდინარეობს. ინფრასტრუქტურული პროექტის განხორციელება რუსთავის მერიამ, მოსახლეობის თხოვნით და მათთან შეთანხმებით დაიწყო. აღნიშნულ ქუჩაზე საგზაო ინფრასტრუქტურა საერთოდ არ არსებობდა, რის გამოც მუნიციპალური ტრანსპორტი ვერ მოძრაობდა.
ზედგენიძის ქუჩაზე მიმდინარე სამუშაოებს, რუსთვის მერი ნინო ლაცაბიძე, მერის მოადგილე ბესიკ ტოგონიძესთან, ინფრასტრუქტურის განვითარების და ტრანსპორტის სამსახურის ხელმძღვანელ ზურა ტაბაღუასთან ერთად ადგილზე გაეცნო.
ზედგენიძის ქუჩის რეაბილიტაცია ჩვენ მოსახლეობასთან ერთად დავგეგმეთ, მთავარი მოთხოვნა მათი მხრიდან საგზაო ინფრასტრუქტურის მოწესრიგებასთან ერთად, იყო ის, რომ ამ უბანში მუნიციპალურ ტრანსპორტს ემოძრავა. სამუშაოების დასრულების შემდეგ სრულად მოწესრიგდება საგზაო ინფრასტრუქტურა და რაც მთავარია, ჩვენ მოსახლეობის მუნიციპალური ტრანსპორტით მომსახურებასაც შევძლებთ”, – განაცხადა რუსთავის მერმა ნინო ლაცაბიძემ.
ზედგენიძის ქუჩის რეაბილიტაციის პროექტით გათვალისწინებულია ბეტონის გზის საფარის, ბორდიურების, ტროტუარებისა და მუნიციპალური ტრანსპორტის მოსაცდელის მოწყობა.
ინფრასტრუქტურული პროექტი სახელმწიფო ბიუჯეტიდან ფინანსდება და მისი ღირებულება 656 298 ლარს შეადგენს.