ცხელი ხაზი 1300 კონტაქტი

ნინო ლაცაბიძე – რუსთაველ ახალგაზრდებს მერიის საქმიანობაში აქტიური ჩართვისთვის, დღეს რამდენიმე პლატფორმა აქვთ და ერთ-ერთი – ,,მართე შენი ქალაქია“

ქალაქის მერის ნინო ლაცაბიძის მიერ ინიცირებული პროექტის – ,,მართე შენი ქალაქი“ მეოთხე ეტაპი დასრულდა.

პროექტის ფარგლებში, რუსთაველმა სტუდენტებმა, ქალაქის მერიაში ერთთვიანი სტაჟირება გაიარეს.

სტაჟირების მეოთხე ეტაპის მონაწილე სტუდენტებს  ნინო ლაცაბიძე, მერიის ახალგაზრდული დეპარტამენტის ხელმძღვანელ ანელი ჩხარტიშვილთან და პროექტის მენეჯერ მარიამ ლაცაბიძესთან ერთად შეხვდა.

,,რუსთაველ ახალგაზრდებს მერიის საქმიანობაში აქტიური ჩართვისთვის, დღეს  რამდენიმე პლატფორმა აქვთ და  ერთ-ერთი – ,,მართე შენი ქალაქია“. ეს პროექტი, ერთი წლის წინ დავიწყეთ და საკმაოდ წარმატებული აღმოჩნდა, რადგან ახალგაზრდების მხრიდან დაინტერესება საკმაოდ დიდია.  პროექტის მეოთხე ეტაპი დავასრულეთ და ვფიქრობ, რომ ახალგაზრდებისთვის ძალიან საინტერესო იყო, რადგან ამ ხნის განმავლობაში, ისინი ახლოს გაეცნენ იმ სერვისებს, რასაც მუნიციპალიტეტი მოქალაქეებისთვის აწარმოებს“, – განაცხადა რუსთავის მერმა ნინო ლაცაბიძემ.

შეხვედრის დასასრულს, რუსთავის მერმა სტუდენტებს სერტიფიკატები და სიმბოლური საჩუქრები გადასცა.
ახალგაზრდული პროექტი ,,მართე შენი ქალაქი“, რუსთავის მართვაში ახალგაზრდების ჩართვასა და მუნიციპალიტეტის მუშაობის სპეციფიკის გაცნობას ისახავს მიზნად.
პროექტი ერთ წელზე მეტია, რაც მიმდინარეობს და ამ ხნის განმავლობაში, მუნიციპალიტეტში განხორციელებულ რეფორმებს, სხვადასხვა სამსახურის მუშაობის სპეციფიკასა და სერვისებს 60 რუსთაველი ახალგაზრდა გაეცნო.
პროექტში ჩართვის მსურველთა შერჩევა ონლაინ რეგისტრაციით ხდება.

 

წინა რუსთავის მერი საქართველოს გარემოსდაცვითი ზედამხედველობის დეპარტამენტის ქვემო ქართლის რეგიონული სამმართველოს ხელმძღვანელს შეხვდა